Accomplishment Report of the Provincial Health Officer for the year 2020

Accomplishment Report of the Provincial Health Officer for the year 2020

Gireport ni Provincial Health Officer Dr. Jonna Masongsong ngadto kang Gov. Dodo Cagas, Vice Gov. Marc Cagas ug mga katawhan ang Accomplishment Report sa Provincial Health Office (PHO) ubos sa pagdumala sa Chief of Hospital Dr. Bonifacio Vosotros human sa flag ceremony atubangan sa kapitolyo kaganehang buntag.
Base sa datus, karong tuiga 2020 ang Provincial Health Office (PHO) adunay budget allocation nga P226,141,745.00 nga gigamit sa pagpalit og mga tambal, gamit sa hospital ug uban pa lakip na ang sweldo sa 473 ka mga empleyado nga gilangkuban sa mga doctor, nurses, medical staff ug uban pa.
Gikanayon ni Dr. Masongsong nga karong bulan sa October ang Davao del Sur Provincial Hospital (DSPH) nakatala og 2,243 ka mga pasyente nga nahospital/admission diin ang kadaghanan sa mga pasyente taga Digos City nga anaa sa 42%, gisundan sa Hagonoy 12% ug Sta. Cruz nga anaa sa 9%. Samtang sa Out-Patiend Department (OPD) anaa sa 12,396 ang naserbisyohan, 60% sa mga pasyente taga Digos City. Nakaincome usab og P23.2 million ang DSPH nga 66.4% sa target karong tuiga nga P35 million.
Ang DSPH giila nga COVID-19 hospital sa Probinsiya nga adunay 31 ka mga personahe lakip ang 2 ka mga doctor. Aduna usab gibutang nga 16 ka mga personahe ang Department of Health, 4 niini mga doctor nga nagtutok lamang sa mga covid patient.
Ang Provincial Isolation Unit (PIU) aduna lamang 14 ka bed capacity nga okupado na karong panahuna. Padayon usab ang pagrepair sa OB-Gyne ward aron madugang sa isolation unit. Sa kinatibuk-an adunay 831 ka mga isolation units sa lalawigan nga base sa record niadtong Uktobre 4, 307 dinhi ang okupado na sa mga covid patient. Samtang anaa usab sa 75 ka mga pasyente ang naatiman sa mga doktor sa PIU.
Gireport usab sa opisyal nga ang Gregorio Matas District Hospital (GMDH) nga gidumala ni Dr. Jaime Marcelo T. Razo adunay pundo nga P27.9 million nga adunay 38 ka mga empleyado nga maoy niatiman sa 488 ka mga pasyente nga nahospital lakip ang 1,645 naserbisyohanan sa OPD. Aduna nay income ang GMDH nga P3.6 million nga 182.7% sa target karong tuiga nga P2 million.
Sa medical mission nga dugay na’ng programa sa administrasyong Cagas nga gidumala nila Provincial Health Officer I Dr. Elpidio Monarca, Jr. ug Dr. Doris Megrino gigahinan og pondo matag tuig nga P6 million. Sa tuig 2019 anaa sa 81,865 ka mga pasyente ang naserbisyohan sa 96 ka barangay samtang karong tuiga, 2020 temporaryo kini nga naundang gumikan sa pag-abot sa Coronavirus Disease 2019 (Covid-19). Gikan Enero hangtod ikaduhang semana sa Marso anaa sa 9,687 ka mga pasyente lamang ang natambalan gikan sa 13 ka mga barangay.
Panapos nga report sa Provincial Health Officer ang Integrated Public Health Programs nga iyang gidumala nga gigahinan og pondo nga P11.7 million. Lakip sa accomplishment report ang mosunod:
Polio Outbreak Response Immunization
mga kabataan nag-edad 0-59 ka bulan
February – 98.16%
July – 96.79%.
Tipdas (Measles)
2019 – 177 cases, 2 patay
as of August 2020
109 ka kaso, 1 ang patay
October 26 – November 25, 2020 magpahigayon og laing hugna sa Measles-Rubella Supplemental Immunization ngadto sa mga kabataan sa probinsiya edad 9-59 ka bulan
Dengue
2019 – 1,879 kaso, 6 patay
2020- 1,045 kaso, 2 patay
Malaria
Gideklara ang probinsya niadtong December 2019 isip Malaria-free Province nga nakadawat og P1 million nga award.
Water Laboratory
2019 – income P111,600.00
sample tested- 372 (passed 264)
2020 – income P241,200.00
sample tested – 804 (passed 603)
Emerging and Re-Emerging Infections Disease (EREID) as of October 4, 2020 lakip dinhi ang kaso sa Covid-19. Padayon nga nagsaka ang kaso nga nagbilin na og 6 ka patay. Aduna usab 908 ka mga personahe nga gibansay mamahimong contract tracers.
Sa padayong pagbatok sa COVID-19, si Governor Cagas nilagda na og 10 ka mga Executive Orders ug 4 ka mga pahimangno nga giimplementar na karong panahona.
Sa pikas nga bahin, gipahibalo ni Dr. Masongsong nga anaa na sa 76% ang pagtrabaho sa Malasakit Center nga gilaumang ablihan karong bulana.
#PIOBalita

Leave a Reply

Your email address will not be published. Required fields are marked *

You have successfully subscribed to the newsletter. I love Davao del Sur!

There was an error while trying to send your request. Please try again.

Provincial Government of Davao del Sur will use the information you provide on this form to be in touch with you and to provide updates.

You have successfully subscribed to the newsletter. I love Davao del Sur!

There was an error while trying to send your request. Please try again.

Provincial Government of Davao del Sur will use the information you provide on this form to be in touch with you and to provide updates.