BONG GO MOPARTISIPAR SA PBA ALL-STAR SHOOTING CONTEST

Davao del Sur / PIO – Mopartisipar sa usa ka Shooting Contest si Special Assistant to the President Christopher “Bong” Go nga pagahimuon atol sa PBA All-Star Exhibition Game karong Mayo 13, 2018 diha sa Provincial Coliseum, Matti, Digos City, Davao del Sur.

Matud pa sa PBA website, ang maong shootout pagaduawaon tali ni Allan Caidic, Chris Tiu, Terrence Romeo, Bong Go ug uban pang PBA Players.

Si SAP Bong Go, nga usa ka fan kon nag-idolo ni Allan Caidic ug Atoy Co, naglaraw nga magpasiugda ug nationwide nga 3-point shootout sa matag barangay. Alang kaniya, daghan ang mga mahiligon sa dulang basketball nga bisan pa sa kahamtong nagpabilin gihapong hanas sa shooting.

Ang PBA All-Star Game pagaduwaon tali sa Gilas Pilipinas ug Mindanao Slection. Kumpirmado nang moduwa sa Mindanao Selection si Ginebra point guard Scottie Thompson.

Kahinumduman nga mipahigayon ug ocular inspection ang mga representante sa PBA didto sa Provincial Coliseum kaniadtong Marso 8, 2018 ug ilang nasuta nga pasado na sa ilang standards ang mga pasilidad ug mga ekipo nga pagagamiton.

Ang kantidad sa ticket mao ang mga mosunod:

  • Courtside – Php 1,000.00
  • Lower Box – Php 500.00
  • Upper Box – Php 200.00

Ang mga ticket mogula ug mapalit sa di pa moabot ang Abril 23, 2018. Mapalit ang ticket sa Capitol partikularmente sa opisina sa Provincial Treasurer, Budget, ug Accounting. Ang nasangpit nga kalingawan makusaganong gipangunahan ni Provincial Administrator Marc Cagas.

(Provincial Information Office / Sherwin Cesar)

Image Source: Bong Go to take on idol Caidic, Tiu in special PBA All-Star three-point shootout

Leave a Reply

Your email address will not be published. Required fields are marked *

Pin It on Pinterest

Share This