COGON-KAPATAGAN-MAINIT CIRCUMFERENTIAL HIGHWAY GI TURN-OVER

 

Davao del Sur / PIO – Kapin Php 600 milliones ang kantidad sa sementadong kadalanan nga gitawag ug Cogon-Kapatagan-Mainitt Circumferencial Highway ang malampusong giblesesingan ug gi turn-over karong adlawa, Abril 04, 2018.

Untop alas otso sa kabuntagon, gisudgan ang naasoy nga kalihokan diha sa junction McArthur Highway ug Cogon Road, Digos City. Pinaagi kang Fr. Joel Cadilla, gipahigayon ang pagblessing sa matag baranggay nga maagian – Cogon, Kiagot, Soong, Binaton, ug sa katapusan, sa Sitio Mainit, Kapatagan. Aduna usay cutting of ribbon kada human sa blessing nga gipangunahan ni Gov. Dodo Cagas, Cong. Didi Cagas, ug Provincial Administrator Marc Cagas.

Ang personal nga pag turn-over gipahigayon didto sa Kapatagan Covered Court diin mainitong gidawat sa kasamtangang Kapitan, Santiago Morales Jr., ang simbolo nga pala isip timaan sa pagdawat sa proyekto ug mga responsibilidad kalabot niini.

Makusganong gibarogan sa gobernador nga ang pagpasemento sa kadalanan gikan sa Barangay Cogon padong sa Kapatagan og lapos pa gayud ngadto sa Balutakay, Bansalan, mahatagan ug katumaran pinaagi sa ilang paningkamot. “Walay katungod ang ubang politiko nga moangkon niini… I will defend my stand even if it costs my life.”, matud pa sa gobernador.

Sa pamulong ni Cong. Didi Cagas, iyang gipasalamatan si kanhi Cong. Marc Cagas tungod sa pagpasa niini sa House Bill 797 nga nahimong balaodnon niadtong Abril 24, 2013 atol sa adlaw’ng natawhan sa kanhi congressman. Ang naasoy nga balaodnon mao ang pagdeklara sa Cogon-Kapatagan isip secondary national road. Ang naturn-over nga kalsada aduna’y gilay-on nga 35.56 kilometers.

(Provincial Information Office / Sherwin Cesar)

———————————————————

Congresswoman Mercedes Chan Cagas gihinabi sa mga Media kalabot sa pag turn-over sa Concreting of Road gikan Brgy. Cogon padulong sitio Mainit sa Brgy. Kapatagan lahos sa Bansalan Davao del Sur.

Leave a Reply

Your email address will not be published. Required fields are marked *

Pin It on Pinterest

Share This