DAVAO DEL SUR ATHLETES ANDAM NA SA DAVRAA COMPETITIONS

Davao del Sur – Mga athletes sa Davao del Sur ang andam nang mosalmot sa kompetisyon didto sa syudad sa Davao nga mao ang host sa padulang rehiyonal kauban ang mga probinsya sa Davao del Norte, Compostela Valley og Davao Oriental. Duol 300 ka mga athletes sa Davao del Sur ang makigtigi sa lain-laing padula nga molungtad sa siyam ka adlaw.

Sa dayong paggikan sa mga atleta ang mihapit kini sa kapitolyo og nakig-uban kanila si Governor Douglas Cagas nga mihatag sa iyang panambagon ngadto sa mga kabataang players. Matud ni Governor Cagas nga kinahanglan nga modula sila with honor, dignity and pride. Ang kompetisyon matud kaniya dunay modaog og dunay mapildi.

Gipasabot sa gobernador nga ang kaparotan diha sa kompetisyon kabahin gayud kini sa tanang matang sa padula. “Win or lose, take it with grace and honor”, dugang pahayag ni Governor Cagas. Gidasig niya ang mga youth players nga isul-ob ang uniforms nga dunay garbo aron pagpadayag sa ilang pagmahal sa Davao del Sur.

Gipahibalo ni Governor Cagas nga sa panahon nga dunay DAVRAA competitions, kanunay niyang gigahinan og dakung budget ang mga kabataan tungod kay buot niyang masiguro nga supisyente ang pagkaon og uban pang gikinahanglan sa mga players.Buot niya nga mas daghan ang mga partisipante nga ubanan sa mga coaches sa lain-laing field of expertise. Tuyu sab sa gobernador nga lamian ang pagkaon sa mga athletes aron kusgan og dasig kini nga mopasundayag sa ilang nagkadaiyang abilidad sa paugnat sa kusog. Gihimo ang mga pag-ampo aron masilyohan sa gahom sa Diyos ang mga atleta og misunod ang picture taking sa Davao del Sur Delegation nga partisipante sa Davao Regional Athletic Association ning tuig 2018.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This