DAVAO DEL SUR MANGO TREES GIPAILAWOM SA REHABILITASYON

Davao del Sur/ Press Release – Aron pagtubag sa nagkaubos na nga produksyon sa mangga tibuok Davao Region, mihimo og kusganong kampanya karon ang Department of Agriculture alang sa rehabilitasyon niini. Sumala sa datos sa DA Region XI, adunay 110 hectares nga punoang mangga ang ipailawom sa rehabilitasyon. Kini gibasi sa talaan nga gisubmitar sa SMDR kon Samahang Magmamangga sa Davao Region ngadto sa Department of Agriculture High Value Crops Development Program (HVCDP).

Sa opisyal nga talaan, ang Davao del Sur ang adunay pinakalapad nga luna naglangkob sa 63 ektarya nga gitamnan sa produktong mangga. Gisundan kini sa Davao Oriental nga dunay 20 ektarya, Davao City og Davao del Norte nga anaay 12 ektarya kada usa, Davao Occidental 2 ka ektarya og Compostela Valley nga may usa ka ektarya. Pinaagi sa programang Techno-demo for Rehabilitation and Productivity Enhancement of Existing Mango Trees in Davao Region, ang naasoy’ng programa ang mohatag kini og ayudang probisyon sama na lang sa flower inducer, foliar and granulated fertilizer, insecticide, fungicide og plastic crates.

Sumala ni Melani Provido DA-HVCDP regional coordinator, kadto lang mga punoan nga wala mamunga ang ipailawom sa rehabilitasyon nga may edad diyes anyos o kapin pa og ang lokasyon niini anaa lang mismo sa mango cluster areas. Dugang impormasyon nagbutyag nga kadto lang mga mag-uuma nga accredited members sa farmers organization or cooperative ang mamahimong makaambit sa rehabilitation assistance og nailhan gayud sa local government units o Samahang Magmamangga sa Davao Region.(PLGU-DavSur/Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This