DAVAO DEL SUR PROVINCIAL HOSPITAL NAGPAHIBALO SA PUBLIKO

Davao del Sur/ Press Release – Gitutukan karon sa Davao del Sur Provincial Hospital ang pagdumala sa ilang Health Review og Health Programs gilangkuban sa mga molupyu sa Digos City og mga kasilinganang munisipyo.

Ang talaan nagbutyag nga sa nag-unang unom ka bulan ning tuig 2017 aduna nay kapin kuatro mil ka mga pasyente ang nahasulod kon admitted for medical treatment, adunay 29,279 sa hematology og padayon pang nag-usbaw og 4,000 sa blood banking. Sa health programs nahisukip dinhi ang disease surveillance, blood donation, monthly tubal ligation og advocacy campaign pinaagi sa information education sa mga barangay. Gitaho nga ang pneumonia ang may taas nga porsyento sa pagkamatay sa pasyente, kini ang hinungdan nga kusganong gipatuman karon sa naasoy’ng balay tambalanan ang preventive care aron malikayan ang curative care diin ang pasyente makagasto na og dakung kantidad alang sa pagpatambal sa balatian. Gihimo sab karon sa Davao del Sur Provincial Hospital ang pagpahigayon og health interventions kalabot sa sakit nga AIDS og uban pang makatakod nga sakit.

Dugang pahibalo sa Davao Sur Provincial Hospital pinaagi kang Wilrose Bismanos ang administrative officer nga dili na angay kabalak-an sa mga miembro sa Philhealth tungod kay ubay-ubay na ang nakabenepisyo niini. Ang Philhealth sa pagkakaron aduna nay reimbursements nga kapin 16 milyon ka pesos.

Sa susamang katikaran, dasig nga gipahibalo ni Dr. Jonna Masongsong, ang Provincial Health Officer nga aduna nay 5 ka clusters karon sa 5 usab ka health units sa probinsya. Malipayon sab niyang gipahibalo nga si Governor Douglas Cagas ang pinakaunang gobernador sa tibuok rehiyon XI nga miisyu og Executive Order kalabot sa Responsible Parenthood nga miani og positibong pag-uyon sa kongreso pinaagi sa kamugnaan sa nasodnong balaod. Subli nga gipahayag ni Dra. Masongsong nga ang Public Health Program sa Davao del Sur sa karon ang gihatagan sa Department of Health og budget nga Php5Milyon ka pesos.

(PLGU-Davao del sur/PIO/Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This