DAY CARE OG SOCIAL SERVICES PROGRAMS GIPAKUSGAN PA SA PSWDO

Davao del Sur/ Press Release – Ang mga day care centers isip usa ka learning home sa mga kabataan sa nagkadaiyang barangay ang usa lang sa gitutukan sa Provincial Social Welfare Development Office ilabi na ang Training on National Early Learning Curriculum and New Standard for Child Development Workers diin ang mga kabataan hashasan og bansayon pa gayud pag-ayo sa mga bag-ong pamaagi sa pagtoon sa sayong panahon haom sa nasodnong programa.

Anaa sab ang mga day care workers nga mopailawom og Accreditation Licensing and Assessment pagsiguro nga bastante na ang ilang kahibalo sa pagtudlu sa mga kabataan. Ang PSWDO mao ang mohimo sa ilang validation.
Moabag usab ang nahisgutang opisina sa mga disaster relief operations ngadto sa mga biktima sa armed conflict og internally displaced persons.Kahinumduman nga sa milabay’ng kasamok didto sa Marawi City, mitunol og hinabang ang kagamhanang probinsyal sa Davao del Sur paghatod mga sinakong bugas, canned goods og ayudang pinasyal balor og Usa ka Miyon ka Pesos, donasyon gitunol personal ni Provincial Administrator Marc Cagas og PDRRMO Christopher Tan ngadto sa Incident Command Center. Gibisita sab nila ang usa sa mga evacuation centers sa Iligan City.

Mihimo sab og inisyatibo ang Provincial Social Welfare Development Office alang sa padayon nga pagtagad og pagpalig-on sa Provincial Council for the Protection of Children (PCPC), Violence Against Women and Children (VAWC) og ang Inter Agency Council Against Human Trafficiking (IACAT).

(PLGU-Davao del Sur/ Nilda S. Aniñon).

Leave a Reply

Your email address will not be published. Required fields are marked *

Pin It on Pinterest

Share This