FINANCIAL ASSISTANCE OG MEDICAL MISSIONS PADAYON NGA GITUNOL SA KATAWHAN

Davao del Sur/ Press Release – Gitunol karong bag-o ang financial assistance alang sa proyektong Microenterprise ngadto sa barangay Lungag Association nagkantidad og Php260,000.00 nga dunay 52 ka beneficiaries. Natunulan sab ang Barangay Hugpong Association sa Managa, Bansalan og ayudang pinansyal balor og Php150,000.00 alang sa proyektong Agricultural Inputs nga dunay 23 ka beneficiaries. Sa proyektong Goat Dispersal, midawat og financial assistance ang La Union Livelihood Association sa Hagonoy, Davao del Sur nagkantidad og Php 125,000.00 nga may 43 beneficiaries samtang ang Igpit Homeowners Association alang sa Hograising project ang nakadawat og Php180,000.00 nga dunay 36 beneficiaries.

Alang sa medical missions Nobyembre 10, 2017, nakaambit ang barangay Panaglib, Kiblawan og lain-laing pribilihiyo sama sa free medicines for adults and pedia, dental extraction, tuli, cyst, opto services and free reading eyeglasses, dunay 821 ka mga pasyente. Didto sab sa barangay Coronon, Sta. Cruz, Nobyembre 15 mikabat ngadto sa 960 ka mga pasyente ang nakaambit sa susamang pribilihiyo. Sa zone 1 Sta. Cruz, may 1,147 ka mga pasyente ang naserbisyohan sa medical mission niadtong Nobyembre 17, samtang sa Nobyembre 24 didto sa Zone 3 Sta. Cruz, dunay 929 ka mga pasyenteng nasilbihan sa medical mission nakadawat og libreng mga medisina og uban pang pagserbisyo. Ang lungsod sa Malalag sa barangay Ibo ang nakadawat usab sa susamang serbisyo mikabat sa 675 ang beneficiaries naghatod ngadto sa 4,532 ka mga pasyente ang nakaambit sa free medical services bulan sa Nobyembre.

Padayon ang paghatod sa serbisyong medical og ayudang pinansyal ning kasamtangan hangtod sa umaabot pang katuigan sa walay puas nga pagpaningkamot ni Governor Douglas Cagas alang sa katawhan sa lalawigan. Bringing the government closer to the people or Government On-Wheels mao ang kinasingkasing nga pagtabang sa gobyernong probinsyal sa Davao del Sur sa katawhan ning lalawigan.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This