INFORMATION OFFICERS OG MEDIA MISALMOT SA NGCP POWER FORUM

Davao del Sur/ Press Release – Malampuson ang gipahigayon nga Power Forum gipasiugdahan sa National Grid Corporation of the Philippines (NGCP) niadtong milabay’ng adlaw.

Gitambungan sa napulo ka mga information officers og 33 ka media practitioners sa Davao del Sur og Davao Occidental, giulan og mga pangutana ang mga resource speakers kabahin sa padayong pagtaas sa balayrunon sa elektrisidad, ang suliran sa brownout og blackout og ang kalit nga pagsaka sa konsumo sa kuryente gumikan sa power interruptions.Gipasabot ni Milfrance Capulong, ang Regional Corporate Communications and Public Affairs Officer nga moresulta gayud sa blackout kun adunay Total System Collapse ilabi na sa Mindanao nga may estadong partial kon may dakung bahin sa grid ang walay igong kapasidad sa kuryente. Samtang ang brownout angay sabton nga masinati dinhi ang pagkunhod sa boltahe tungod sa high demand kon daghan ang gagamit sa kuryente o dili ba adunay planta nga nagbaton og insufficient generation of power. Gipunting sab sa resource speaker ang mga hinungdan sa power interruption. Kini mao ang Insufficient generation og Unscheduled Shutdown og Generation, Transmission and Distribution.

Ikaduhang hugna sa forum mao ang pagpasabot ni Engr. Licinio Capili kalabot sa Transmission Line Safety Reminders og Perpetual Campaign sa ginadili nga mga pamaagi aron malikayan ang pagkakuryente sama na lang kun ang kable haduol sa mga kahoy nga may gitas-on nga 3 metros diin kasagaran adunay 69 volts. Gipasabot sab ang right of way og line to ground clearance, security of towers nga nalatid sa section 3, Akta Republika Numero 7832. Gipahibalo usab ni Engr. Capili ang proyekto sa NGCP alang sa Matanao-Toril-Bunawan nga adunay 230 kilovolts Transmission Line. Kini adunay 121 tower sites sugod Matanao hangtod sa Toril samtang may 125 tower sites usab ang inat gikan sa toril hangtod sa Bunawan.

Nakauban usab sa mga information officers and media ang personahe sa 73IB gipangunahan ni Lt. Rojie Daryll Cansancio og dayag niyang gipasabot ang implementasyon human madeklara ang Martial Law. Sa karon ginahimo sa ilang grupo ang visibility patrol sugod digos to Sta. Cruz, Sulop to Malungon og Kapatagan to Bansalan. Gihimo sab nila ang Mobile Motorcycle Riding Security from GenSan to Davao City og gideklara nga ang Sta. Cruz mao ang vulnerable area og daling ma penetrate sa mga rebelde hinungdan nga hugot ang pagpatuman sa entry og exit points sa Sta. Cruz, Darong og Sta. Maria. Gipasabot ni Cansancio nga bisan ang Gunban in effect lang gihapon og sa tanang panahon ila gayung ipatuman ang rule of law.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This