INTERNATIONAL WOMENS’ MONTH GISAULOG

Davao del Sur – Opisyal nga gibuksan kagahapon ang kasaulogan sa International Women’s Month gipasiugdahan sa Provincial Social Welfare Development Office gidumala ni Geraldine Lano pinaagi sa Grand Launching didto gipahigayon sa Gaisano Grand Mall. Pinaka highlight sa kalihukan mao ang Search for Ginang ng Davao del Sur nga gisalmotan sa siyam ka representante gilangkuban sa unom ka local government units, usa sa NCIP, usa sa barangay Zone II Digos City og usa usab sa Philippine National Police. Ang mga lungsod nga misalmot mao ang Bansalan, Magsaysay, Sta. Cruz, Matanao, Malalag og Hagonoy.

Mipakita sa ilang mga talento ang mga ginang nga gikahimut-an sa tanang misaksi og ang hukom ibasi sa criteria nga gidumala sa mga board of judges diin ang Top 5 kanila ang managtigi na usab panahon sa culmination program didto sa Davao del Sur Coliseum karong Marso 21, 2018.. Sa managsamang higayon, gihimo ang Poster Making Contest didto sa Gaisano Market Place diin nakig-uban sa mga kababayen-an si Marc Douglas IV Chan-Cagas, ang Provincial Administrator sa provincial government of Davao del Sur.

Mihatag sab og pulong pagdasig si Governor Douglas Cagas ngadto sa mga kababayen-an sa Grand Mall kalabot sa ilang mga pagsakripisyo isip inahan og kapikas sa pamilya ingon man ang ila usab nga responsibilidad sa katilingban. Lain pang activity ang ipahigayon didto sa barangay Bato, Sta. Cruz, ang Mangrove Planting karong Marso 16, 2018. Sumala ni PSWDO Geraldine Lano, ang pagtapos sa selebrasyon sa Women;s Month karong Marso 21 ang gilauman nga makakuha og 800 ngadto sa 900 attendees gikan sa siyam ka mga kalungsuran og syudad sa Digos ning lalawigan sa Davao del Sur.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This