KABABAYEN-AN SA DAVAO DEL SUR GIBANSAY SA PANGINABUHIAN

Davao del Sur – Padayon nga gipalig-on ang pwersa sa kababayen-an sa Davao del Sur pinaagi sa mga pagbansay kanila sa T-Shirt, Curtain, Pillow case og Dressmaking. Kini ang pagpahibalo ni Geraldine Lano kasamtangang Provincial Social Welfare Development Officer. Ang Productivity Skills Capability Building ang usa sa mga priority programs ni Governor Douglas Cagas alang sa mga kababayen-an diha sa barangay level ngadto sa municipal level. Kini gipunting alang sa dugang pag recruit og trainees alang sa high speed sewing kon pagpanahi. Mga personahe sa Productivity Skills Capability Building ang nagadumala usab sa mga kababayen-an nga biktima sa dili maayong sirkumstansya sama kung kini battered wives, gi abandona og nahimong biktima sa pagpang abuso sa ilang mga bana nga nalatid sa balaod nga VAWC kon Violence Against Women and Children. Ang mga kasong mapasang-at ang e indorso kini sa usa ka social worker alang sa assistance.

Lain pang organisasyon sa kababayen-an mao ang KALIPI ang Kalipunan ng Liping Pilipino ubos gihapon sa superbisyon sa PSWDO. Ang naasoy’ng organisasyon ang mohimo og pag promotar sa patas nga katungod sa mga miembro sa natad sa panginabuhian, self enhancement, community participation og pagbatok sa diskriminasyon sa kababayen-an. Ang pagpalig-on sas women force mao ang pagbutang og municipal focal person and Municipal KALIPI FEDERATION President aron paghan-ay sa dagan sa mga organisasyon kada munisipyo pag-impelenta sa mga istratehiya sa mga programa. Sa matag bulan sa Marso, kanunay ipasundayag ang mga talent sa KALIPI members tibuok probinsya. Sila ang gibansay usab sa tshirt, curtain, detergent og fabric conditioner making alang sa ilang panginabuhian. Sa pagkakaron, aduna nay 9,088 KALIPI members tibuok lalawigan.

(Dav Sur/Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This