LIVELIHOOD ASSISTANCE BALOR 1.1 MILLION GITUNOL SA DAVSUR PROVINCIAL GOVERNMENT

Davao del Sur/ Press Release – Padayon og tunol ang gobyernong local sa Davao del Sur og hinabang pinansyal panginabuhian sa mga katawhan ning lalawigan aron makabaton sila og sustenidong kahimtang sa pamuyu. Karong bag-o ang Purok Mahogany sa Tres de Mayo Bibingka Vendors Association of Digos City ang natunulan og Php180,000.00 alang sa Micro Finance Project nga adunay 30 ka beneficiaries. Sunod nga natunulan mao ang Tologan Kalipi Women;s Association sa barangay Tologan Hagonoy with project title of Hog Raising, Breeding and Fattening kantidad og Php305,000.00 with 70 beneficiaries. Organisadong pundok Asosasyon ng mga Manggagawa sa Sona Dos Estrada 6th, Digos City alang sa proyektong Lechonan ang natunulan og Php 100,000.00 nga adunay 69 beneficiaries.

Ikaupat nga grupong nakadawat og livelihood assistance mao ang Luminusa Muslim Vendors Association, barangay Acaciahan Zone 1 Poblacion, Digos City sa kantidad nga Php 304,500.00, usa ka Micro Finance Project with 87 beneficiaries. Midawat sab ang San Vicente Ferrer Livelihood Association, Purok 5 barangay Tanwalang, Sulop D/S og kantidaad nga Php160,000.00 alang sa Hogbreeding project nga may 32 beneficiaries. Ikaunom nga grupong nakadawat og livelihood assistance mao ang Nagkahiusang Mag-uuma sa Barangay Soong, Purok Acacia, Soong, Digos City with project title Hog and Goat Dispersal, natunol nga kantidad Php167,500.00 with 25 beneficiaries.

Nadawat sa mga nahisgutang grupo ang tagsa-tagsa nila ka mga tseke gitunol sa provincial government of Davao del Sur diin naghatod sa kinatibuk-ang kantidad ngadto sa Php 1,117,000.00.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This