LIVELIHOOD ASSISTANCE PADAYON NGA GIHINGUSGAN

Davao del Sur/ Press Release – Sa  kampanya pagbatok sa kapit-os sa pamuyu og walay sustenidong panginabuhian, gitunol karong bag-o  sa gobyernong local sa Davao del Sur ang livelihood assistance ngadto sa 1,567 ka beneficiaries pundok sa mga mag-uuma, tricycle operators and drivers, women and youth sectors, purok coordinators, beach vendors, tribal associations, senior citizens, fisherfolks og development workers and volunteers. May ihap nga 32 ka asosasyon sa siyam ka munisipyo og syudad sa Digos ning lalawigan sa Davao del Sur  ang nakaambit sa ayudang panginabuhian.

Sa hog raising, adunay 330 ka mga beneficiaries ang nakadawat naglangkob sa 10 ka organisasyon, 78 sa cattle dispersal, 43 sa cow dispersal, 30 sa native chicken production and dispersal, 15 sa cattle restocking, 61 sa rubber buying, 31 sa rubber production, 578 beneficiaries sa 5 ka asosasyon, 83 sa goat dispersal, 113 beneficiaries sa additional capital on buy and sell of motorcycle parts and accessories, 182 sa cacao processing center, 39 sa mango fruit paper wrapper production og 20 beneficiaries alang sa vulcanizing shop & motorcycle spare parts merchandising. Ang livelihood assistance og kantidad nga nadawat sa kada asosasyon ang managlahi og magadepende sa gidaghanon sa mga resipiente o gidak-on sa asosasyon nga nangayu og hinabang. Sa 1,567 ka mga beneficiaries nga natunolan og livelihood assistance sa Provincial Government Office of Special Programs, mikabat kini sa kinatibuk-ang kantidad sa Php 7,860,250.00.

Daghan pang matunol nga livelihood assistance  ang gobyernong probinsyal sa Davao del Sur sa umaanot nga mga adlaw. Estado sa mga dokumento ang anaa pa sa Accounting Office, Provincial Governors Office og  anaa na sa pag proseso. Ang uban anaa pa sa MOA og Proposal making og ang uban for turn-over na.  Gipanglimbasogan ni Governor Douglas Cagas nga matunol gayud kining matang sa special project bisan sa mga halayong barangay pagsiguro nga adunay kaangayan og patas nga pagtagad sa katawhan sa Davao del Sur.

(PLGU-Davao del Sur/PIO/Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This