MEDICAL MISSION GIHATOD SA LGU-MAGSAYSAY

Davao del Sur – May 598 ka mga pasyente ang natunulan og libreng medisina, vitamins, ibot sa ngipon, tuli, cyst removal, pagtambal sa thyroid kon sa goiter, breast og reading eyeglasses didto sa gipahigayon medical mission sa barangay Kasuga, Magsaysay ning probinsya. Kini nga buluhaton ang kanunay nga gihimo sa Provincial Medical Team sa Davao del Sur aron pagtubag sa nagkadaiyang panginahanglan sa katawhan.
Mihatag pakigpulong si Governor Douglas Cagas og nagkanayon nga angay lang hatagan og bili ang panglawas sa usa ka tawo. Mas hatagan og bili ang paglikay sa mga sakit kaysa anaa na sa pagpatambal kay mas daku ang salapi nga magugol sa pagpatambal kaysa malikayan pa ang mga balatian. “Remember that an ounce of prevention is better than a pound of cure” pahayag ni Governor Cagas. Giklaro sa gobernador nga likayan gayud ang mga bisyo sama sa pagpanigarilyo, pag-inom sa ilimnon nga makahubog, pagsugal og labaw sa tanan ang bisyo sa ginadili nga druga nga maoy kusganong gigukod karon sa administrasyong Duterte.

“Kini nga mga bisyo ang maoy makapaut-ot ninyo, dili kamo makatigom tungod kay gigasto sa walay kapuslanang mga bisyo og makadaot pa gayud sa inyong panglawas gawas nga dakung supak sa balaod. Gipangutana sa gobernador ang mga ginang sa panimalay kun unsay ginabuhat sa ilang mga bana og naghiusa pagtubag ang mga ginang nga kasagarang bisyo sa ilang bana mao ang mga nahisgutan.

Nagpasalamat si Governor Cagas nga mipatim-aw ang mga molupyu sa gipatigayong medical mission apan nasubu siya kay dyutay ra ang nakaambit sa libreng serbisyong medical nga gihaguan pagbisita sa mga doctor og nurses sa probinsya.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This