MGA PROGRAMA OG ACCOMPLISHMENTS SA PROVINCIAL NCIP GIPASUNDAYAG

Davao del Sur – Hiniusa ang pwersa sa Indigenous Cultural Communities, ang National Commission of Indigenous Peoples sa Davao del Sur ang mihatod sa ilang taho kalabot sa ilang katikaran ilabi na sa ginamithing ancestral domain og panginabuhian. Punting og katuyuan sa naasoy’ng grupo mao ang lasting peace and development. hustisya og kaangayan sa pagpamuyu nga dunay integridad ilabi na sa public service. Gipasibaw sa taho nga ang ilang pundok nagkinahanglan og mga hinabang gikan sa gobyernong local og pribadong organisasyon. Sa pakig-alayon og partnership kauban nila ang Department of Education, Department of Interior and Local Government, Department of Public Works and Highways, Bureau of Plant and Industry, Department of Environment and Natural Resources og Deparment of Agrarian Reform. Gipaningkamotan sab nila nga mapakusgan pa ang community based projects, social economic services ilabi na sa disadvantaged and isolated areas.

Gisugilon sa Regional Director sa NCIP nga ang Indigenous Peoples nagkinahanglan gayud sa sustenidong panginabuhian. Iyang gilakbit ang pahayag ni Presidente Rodrigo Duterte atul sa natigayon SONA sa milabay’ng tuig nga malisod ang pagpanday og balaod sa NCIP og sugyot niini mao ang paggamit sa ancestral domain nga matikad alang sa panginabuhian. Sa pagkakaron, matud sa regional director, ang lungsod sa Magsaysay nga adunay 10,000 hectares nga luna ang gisugdan na pagtikad sa tabang usab sa Office of the Provincial Agriculturist. Karong bag-o nahatagan ang NCIP og budget nga Php50Million og nahisukip niini ang pag-ugmad tikad sa luna nahimutang sa Alegre, Bansalan, Compostela Valley og Davao City.

“To me, there has never been a word of distinction whether you belong to different tribal groups, I always presume, we are always the same,” kini ang pahayag reaksyon ni Governor Douglas Cagas. Dugang pa niyang gipamulong nga bisan sa pag appoint og pag promote sa usa ka empleyado, wala siyay pagpangutana kon unsa ang imong tribo, “ because I treat everyone the same,” ang gobernador nagkanayon. Gipasalamatan niya ang mga nabuhat sa Indigenous Cultural Communities gilangkuban sa Bagobo Tagabanwa, Kalagan, Kaolo, B’laan og uban pa sa ilang panaghiusa pagkab-ot sa malahutayong panginabuhian.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This