MGA PROGRAMANG AGRIKULTURA MAS GIPALIG-ON SA LGU-PADADA

Davao del Sur/ Press Release – Giapod-apod karon ang lain-laing budget allocation alang sa agricultural development sa lungsod sa Padada ubos sa administrasyon ni Mayor Pedro Caminero Jr. Nag-una niini ang Community Fish Landing Center gidumala sa Bureau of Fishery Aquatic Resources nagkantidad og Php 3 Miilion, Gravelling of Farm to Market Road alang sa 17 barangays tag Php100,000 kada usa ka barangay, kini kinutlu sa 20% Development Fund.

Namalit usab ang local nga panggamhanan og usa ka Hauling Truck nagkantidad og Pjp1.4 Million nga pagagamiton sa Fairtrade Farmers Coconut Multi Purpose. Nagapod-apod og planting materials 60,000 cacao seedlings, 15,000 coffee seedlings, 60 bags corn og 6,000 banana seedlings, og tilapia fingerlings. Ang proyektong Seaweeds Production didto sa Piape og Punta Piape nahatagan usab og budget allocation balor og Php300,000,00.

Gikan sa Bureau of Soils and Water Management, nahatagan ang LGU Padada og Mechanical Rotary Decomposter and Shredder, Machineries and Equipment alang sa Padada irrigators Association, Hand Tractor, Thresher, Mechanical Transplanter alang sa P4MP Farmers Association gikan sa Department of Agriculture Region XI og Decorticating Machine. Hugtanon usab nga misuporta ang administrasyong Caminero sa katikarang pagbansay sa mga mag-uuma aron ma promotar ang bag-ong tecknolohiya sa organic farming og Integrated Pest Management.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This