PROVINCIAL PESO, NAGPASIUGDA OG COMMUNITY BASED TRAINING

Davao del Sur/ Press Release – Mga pagbansay alang sa Nail Art pinaagi sa manicure og pedicure ang gipahigayon karon sa mga kalungsuran sa Padada nga adunay 38 ka partisipante, Sulop 62, Kiblawan 27, Malalag 67, Digos City 180 og Hagonoy 31 naghatod sa 405 ka mga partisipante.

Kining unom ka mga munisipyo sa Davao del Sur ang nalibot na sa Provincial Public Employment and Service Office gidumala ni Rolly Impas kasamtangang PESO Manager. Matud kaniya nga kining Community Based Training on Nail Art ang usa lang sa pamaagi nga ang mga molupyung kababayen-an makat-on og makabaton og maayong panginabuhian. Homan unya sa training mao ang pag apod-apod og mga starter kits sa kada partisipante aron makasugod gilayon sila sa ilang panginabuhian. Dugang pa ni Impas nga mosunod niining manicure og pedicure mao ang foot spa nga kasagaran kinaham usab sa mga female clients diha sa mga beauty parlors.

Sa pagkakaron, gipahigayon na ang pagtuyok sa Provincial PESO Team alang niining Community Based Training on Nail Art sa mga kalungsuran sa Magsaysay, Bansalan, Matanao og Sta. Cruz. Kauban sa team mao ang mga expert beauty consultants nga maoy mangunay sa pagtudlu og pagbansay sa mga kababayen-an ining talagsaong kahigayonan serbisyo gihatod sa gobyernong local sa Davao del Sur isip government on-wheels. Kini nga programa ang gidumala sa Provincial Public Employment Office in partnership with the Department of Labor and Employment og TESDA kon Technical Education Skills and Development Authority.

(DavSur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This