REGIONAL FESTIVAL SA FOOTBALL HIMOON SA DAVAO DEL SUR

Davao del Sur – Karong Abril 6 hangtod Abril 8 ning kasamtangang tuig, ipahigayon ang Regional Festival alang sa dulang football dinhi sa Davao del Sur. Kini ang opisyal nga paghangyu ni Erwin Protacio, Presidente sa Davao-South Regional Footbal Association, Incorporated. Unod sa iyang sulat hangyu ngadto kang Governor Douglas Cagas nga ang Davao del Sur mao ang magsilbing host sa naasoy’ng kalihukan aron pagpili sa mga maayong atleta nga mao unya ang maglangkob og mopresenta sa national team human ang pakigtigi sa ubang atheletes sa Mindanao, Visayas og Luzon.

Kini nga annual kon tinuig nga event ang maglambigit sa mga teams maggikan sa Regional Football Associations sama na lang sa North Cotabato FA, South Cotabato, Sarangani, General Santos City RFA, Maguindanao Cotabato RFA, Sultan Kudarat FA og Bukidnon FA. Kini nga football festival sa rehiyon ang magdumala sa mga kabataang babaye og lalaki sugod pangidaron 11 ngadto sa 13 anyos. Kini nga kalihukan ang magpili sa mga miembro sa national team ining age category lakip na ang youth coaches and referees.

Ang nasangpit nga kalihukan ang gipadangat sa opisina ni Governor Douglas Cagas niadtong Marso 12, 2018 diin napaabot usab sa opisina ni Board Member Simplicio Latasa sa Sangguniang Panlalawigan isip Chairman sa Committee on Sports.

(PLGU-Davao del Sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This