REGIONWIDE CRIMINAL INVESTIGATION COURSE GIPAHIGAYON SA PNP PROVINCIAL HEADQUARTERS

Davao del Sur / PIO – Gipahigayon diha sa Philippine National Police Provincial Headquarters kon PNP-PHQ ang 45 ka adlaw nga Criminal Investigation Course nga giablihan karong adlawa, Abril 03, 2018. Nahimotang diha sa Barangay San Agustin, Digos City, ang Davao del Sur PNP-PHQ maoy napilitong lugar diin ipahigayon ang naasoy nga kurso nga gisalmotan sa di moubos sa 50 ka mga opisyales ug personahe sa Philippines National Police Regional Office XI.

“You are the starting point of the efficient administration of justice in this country.”, gipamulong ni Gov. Dodo Cagas isip dinapit nga Guest Speaker sa maong okasyon. “Ang kalampusan sa usa ka kaso nagaagad sa kalig-on sa mga ebidensya ug testimonya,” ang gobernador mipadayon. Dugang gisaysay sa gobernador, nga usa usab ka abogado, ang iyang mga kasinatian sa pagpanglaban lakip na ang kamatuoran nga may kalabot sa sistema sa hustisya sa nasud.

Wa palabya sa gobernador ang pagpaambit sa iyang personal nga kasinatian isip biktima sa di makaangayong sistema. Kahinumdoman nga kapin usa ka tuig nga nabilanggo si Gov. Cagas diha sa Buereau of Jail Management and Penology kon BJMP tungod sa salaod nga wa niya nahimo.

“The provincial government is always there to support you.”, ang panapos nga pamulong sa gobernador.

(Provincial Information Office / Sherwin Cesar)

Leave a Reply

Your email address will not be published. Required fields are marked *

Pin It on Pinterest

Share This