SOCIAL SECURITY SYSTEM MITAHO SA ILANG 2017 ACCOMPLISHMENT

Davao del Sur – Gitaho sa SSS Regional Head XI karong bag-o ang ilang 2017 performance o accomplishment report aron paghatag impormasyon sa ulahing katikaran sa naasoy’ng opisina. Sa membership may 2,082 ka mga employers ang miembro na, sa mga empleyado adunay 14,425 ka registered members samtang sa self-employed and adunay 83,583 members nga narehistro na. Sa regular self-employed kon anaa sa business profession, may narehistro nga 12,238, sa Community Based Organization may 1, 114, sa mga Job Order og Contractual employees nga nanarbaho sa mga local government units may gidaghanon nga 1,227 og sa uban pang sektor 45,003 ang naghatod sa 67,676 ka mga covered members. As og January 2018 ang SSS nakakolekta na from contributions og Php28 Million.

Gipahibalo sab ang mga nagkalain-laing programa nga gihan-ay og ma-avail sa mga miembro sa SSS og lain pang services sama na lang sa benepisyong sickness, maternity, disability, retirement, death and funeral, flexi-fund og employees compensation program. Sumala sa datos nga gitaho, adunay 194 claims na ang nahatag sa Social Security System dinhi sa syudad sa Digos, usa sa disability, sa funeral benefits 1,865, sa death benefit 1,441, sa salary loan 6,716 og sa educational assistance 1,397. Dinhi sa educational assistance gikinahanglan nga matag miembro nga ginikanan makahatag na og contributions sulod sa 36 ka bulan kon equivalent to 3 years og mamahimo na siyang maka avail og educational assistance gikan sa Php10,000 ngadto sa Php20,000 og bayran kini human sa gradwasyon sa ilang bata.

SSS is an important institution in the country, kini ang giluwatang pahayag ni Governor Douglas Cagas atul sa convocation program sponsored by Social Security System. Gipasabot sa gobernador ang kalainan sa nahisgutang opisina kon itandi sa GSIS. Mga government employees lang ang mamahimong miembro sa GSIS samtang ang SSS members ang kasagaran mga pribadong katawhan ang mga miembro apan mamahimo sab nga government employee ang magpa miembro niini. Nalakbitan sab ni Governor Cagas ang barangay elections gitakda karong Mayo apan may mga lakang sumala pa nga e postpone na sab kini sa ikaduha nang higayon. Dakung siyang supak nga magpunay na lang og postpone tungod kay alang kaniya angayan lang hatagan og higayon ang katawhan nga makapili og maayong lideres ang atong mga barangay bisan paman gani ang local elections ang supak sab siya nga e postpone kung aduna bay lakang nga e oktaba kini.

Mikomento sab si Governor Cagas nga kalabot sa pederalismo nga gobyerno, it has more power, more resources but coupled with more responsibilities. Kini ang hinungdan nga sugyot niya nga mapasabot kini sa katawhang pilipinhon ilabi na sa taga Mindanao.

(PLGU-Davao del sur/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This