TAWAG NG TANGHALAN SOUNDS FAMILIAR ELIMINATION ROUNDS NATAPOS NA

Davao del Sur/ Press Release – Malampuson ang gihimong elimination rounds sa Tawag  ng Tanghalan Sounds Familiar niadtong Mayo 18 hangtod 19 ning tuig 2017. Mga partisipante gikan sa nagkalain-laing lungsod sa probinsya ang nagtigi pagpasundayag sa ilang mga talento sa pag-awit. Adunay tulo ka mga kategorya ang nahisgutang kompetisyon, ang Kids category nga dunay gidaghanong 11 ang misalmot, sa teens 18 og sa capitol employees 17. Managlahi ang ilang istilo sa pag-awit, adunay kaugalingon nga istilo og ang uban may gisundog nga style sa local og foreign artists. May adlib og kulot sab nga style ang nadungog og nasaksihan didto sa provincial capitol gym. Ang semi finals ipahigayon karong Mayo 29 og lain pang sessions ang gitakda sa Hunyo 5 og Hunyo 19.

Mga hurado mao sila si Aldous Bodikey, Melvin Sabio og Clarence Boholst. Giila kini sila nga mga batid og hanas sa natad sa musika sumala sa ilang educational attainment og kasamtangang propesyon. Mihimo sila og pagpanambag sa matag contestant tapos sa pag-awit sama na lang sa head tones, diction, chest tones og uban pa. Kini nga matang sa kompetisyon ang naghatag kahigayonan sa mga adunay talento  sa pag-awit og kun mahatagan og pabor sa panahon maoy maghatod kanila sa ginamithing damgo og kalampusan.

(PLGU-Davao del Sur/PIO/ Nilda S. Aniñon)

Leave a Reply

Your email address will not be published. Required fields are marked *

Pin It on Pinterest

Share This