Nadawat sa 158 ka mga Benepisyaryo ang ilang sweldo human nipailawom sa backyard gardening nga kabahin sa TUPAD Program

Nadawat sa 158 ka mga Benepisyaryo ang ilang sweldo human nipailawom sa backyard gardening nga kabahin sa TUPAD Program

Nadawat na sa 158 ka mga benepisyaryo ang ilang sweldo nga P5,940.00 matag usa human nipailawom sa kinse (15) ka adlaw nga backyard gardening nga kabahin sa Tulong Panghanapbuhay sa Atong Displaced/ Disadvantaged Workers (TUPAD) Program sa Department of Labor and Employment (DOLE) nga giimplementar sa Kagamhanang Probinsiyal sa Davao del Sur.
 
Gipahigayon ang payout kaganehang buntag sa Tablizo Gym, Capitol Ground, Barangay Matti, Digos City nga gitambongan nila DOLE Assistant Regional Director Atty. Jason Balaez uban ni TSSD Chief Paul Cruz ug LEO III Eizarina Roselle Delos Santos.
 
Gitahasan ni Gov. Marc Douglas IV C. Cagas si Provincial PESO Manager Rolly Impas, JD, MBA,LPT, sa pag-atiman sa implementasyon sa maong programa.
 
Matud pa ni Impas, tulo ka mga munisipalidad ang nakabenipisyo sa maong programa, Padada- 52, Kiblawan – 52, ug Sta.Cruz – 54 nga ang pondo, P1 million gikan kang Senador Loren Legarda nga gibutang sa DOLE alang sa TUPAD Program.
 
“Dako ang pasalamat sa Department of Labor and Employment sa pakigtambayayong sa Provincial Government diri sa Davao del Sur nga gipasiugdahan sa atong halangdong Governor (Gov. Marc Douglas IV C. Cagas) ug sa paningkamot ni Provincial PESO Manager, Mr. Rolly Impas. Ilaha ni nga inisyatibo. Kining programa sa TUPAD alang ni sa inyoha tanan nga nawad-an og trabaho,” tipik sa pamahayag ni DOLE ARD Atty. Balaez.
 
Gipaabot ni Tatay Inocencio Tongkaling ang pasalamat sa DOLE ug kang Governor Cagas sa benepisyaryo nga iyang nadawat. “Kining backyard gardening, ang mga gulay ani kame pa ang makakaon gitagaan pajud me og ayuda. Pasalamat me nga gihatag ni kanamo nga mga walay klaro’ng trabaho.”
 
Karong tuiga lamang niabot na sa P150 million ang nahatag sa DOLE nga TUPAD Program sa probinsiya sa Davao del Sur.
 
#PIOBalita

Leave a Reply

Your email address will not be published. Required fields are marked *

You have successfully subscribed to the newsletter. I love Davao del Sur!

There was an error while trying to send your request. Please try again.

Provincial Government of Davao del Sur will use the information you provide on this form to be in touch with you and to provide updates.

You have successfully subscribed to the newsletter. I love Davao del Sur!

There was an error while trying to send your request. Please try again.

Provincial Government of Davao del Sur will use the information you provide on this form to be in touch with you and to provide updates.