ELECTED OFFICERS OF THE PEER HELPERS CLUB IN MALALAG SOLEMNLY SWEARS TO GOVERNOR CAGAS

Human naorganisa ang Peer Helpers Club sa lungsod sa Malalag, Davao del Sur, gipahigayon karong adlawa, Mayo 17, 2021, ang Oath Taking Ceremony sa mga napiling opisyales, didto sa Barangay Bulacan Gym sa naasoy nga lungsod. Mismong si Gov. Dodo Cagas ang nagdumala sa pagpanumpa sa mga kabatan-onan nga gisaksihan ni Provincial Population Officer Mrs. Portia F. Dumasig, Bulacan Kap. Alberto Bragat, Malalag MSWDO Mrs. Leah Frias, Malalag SK Municipal Federation President Nichelle Kaye Medez, mga opisyales sa barangay, ug mga personahe sa Provincial Population Office.

 

Una niini, nisalmot sa tulo (3) ka adlaw nga seminar ang 50 ka mga partisipante nga nagrepresentar sa 15 ka barangay sa lungsod sa Malalag. Isip kabahin sa Adolescent Health and Youth Development Program, lakip nga gituki ug gipasabot ngadto sa mga kabatan-onan nga sagad mga Out-of-School-Youth ang mga isyu kalabot sa sayong pagkamabdus kon teenage pregnancy, ug uban pa.

 

Gidasig sa amahan sa lalawigan ang mga partisipante nga barugan ang mga katungdanan nga ilang gihuptan ug gidawat pinaagi sa pagtabang sa ilang mga kaubanang batan-on sa higayon nga sila makasinati og mga suliran. “Basin kamo pa ang mamahimong mangluluwas sa inyong isig ka batan-on,” pagsaysay sa gobernador.

 

Nasayran nga numero uno ang Davao Region sa tibuok nasud nga aduna’y pinakadaghan nga kaso sa teenage pregnancy.

 

#PIOBalita