Opisyales sa Barangay Bagumbayan, Malalag, pagadawaton ang P300,000.00 Financial Assistance

Wala damha sa mga opisyales sa barangay Bagumbayan lungsod sa Malalag, nga sa ilang pagduaw ngadto kang Gov. Dodo Cagas karong adlawa, usa ka nindot nga balita ang ilang nadunggan. Kini human nga gikompirma sa gobernador nga kantidad sa P300,000.00 ang pagadawaton sa ilang barangay isip financial assistance gikan sa panggamhanang probinsyal.

 

Matud pa ni Kap. Rolando Daligdig Jr, dugang benepisyo sa 80 ka mga barangay functionaries ang ilang tagaan og prayoridad sa salaping ilang pagadawaton. Ug ang sobra niini, ilang igahin sa uban pang panginahanglanon sa barangay.

 

Kauban sa kapitan ang tibuok pwersa sa ilang konseho:

Kag. Eduardo Quiatchon

Kag. Bartolome Lucip

Kag. Eladio Villarmia

Kag. Arnel Telacas

Kag. Ginalyn Telmo

Kag. Leonila Gamao

SK Chairman Thresia Suello

IPMR Bae Janeth Ramos

 

Kauban usab sa grupo si Malalag Deputy Governor Ligaya Pascua Gealon.

 

Mapasigarbohong gibutyag sa kapitan nga solido ang suporta sa ilang barangay ngadto sa DOMADI, hinungdan nga kanunay’ng nagmadaugon ang tibuok linyada niini sa nanglabay’ng pinili-ay.

 

#PIOBalita