Social Welfare

Members of the Balasiao Kasaglabat Association have received Livelihood Assistance

Members of the Balasiao Kasaglabat Association have received Livelihood Assistance

Nadawat na karong adlawa sa mga lumad nga membro sa Balasiao Kasaglabat Association pinangulohan sa ilang Presidente, Marcela Bantilan ang livelihood assistance nga gipangayo sa Kagamhanang Probinsiyal sa Davao del Sur.
ย 
Gitahasan ni Gov. Dodo Cagas sila Second District Board Member Atty. Carmelo Delos Cientos III, Livelihood Program Manager Reynel Dalapo ug Deputy Governor nga kanhi Mayor sa Kiblawan Atty. Marivic Caminero sa pag-intrigo sa ayudang kapanginabuhian nga nagkantidad sa P200,000.00. Sa maong kantidad 35 ka mga membro ang nakadawat og dugang puhonan sa nasugdan na nga negosyo samtang ang 15 ka membro nakadawat og mga kanding nga ilang amumahon og pasanayon.
ย 
Nisaksi sa maong aktibidad sila Municipal Councilor Ted Gan, IPMR Gideon Salutan, Balasiao Barangay Kagawad Melody Ybanez ug uban pa.
ย 
“Bulahan kita’ng taga Davao del Sur nga nakabaton og mga lideres sama nila Gov. Dodo Cagas, Vice Gov.Marc Cagas ug CongW.Didi Cagas gumikan gikan pa kaniadto hangtod karon walay puas ang ilang pagpanghatag og ayuda ug mga proyekto,” tipik sa pamahayag ni Board Member Delos Cientos.
ย 
“Ako personally dili jud ko kabiya kang Governor Cagas gumikan maayo jud siya sa mga tribu. Grabe ang iyang tabang hilabi na sa mga IP sa Kiblawan,” si Municipal IPMR Salutan.
ย 
Gitambagan usab ni Deputy Gov. Atty. Caminero ang mga benepisyaryo nga ayuhon pagdala ug palamboon ang nadawat nga livelihood assistance aron makatabang sa kapanginabuhian.
ย 
“Dako akong kalipay nga nakadawat ko og kanding kay sa tinood lang dili jud ko kapalit ani kay naa pakoy mga estudyante. Pasalamat jud ko og dako kang Governor Cagas gumikan bisan sa kalayo ug kasuok sa among barangay naabot lang gihapon ang mga programa sa amoa,” tipik sa pamahayag sa usa sa benepisyaryo, Delia Bantilan. (PIO/MarisDane)
ย 
#PIOBalita

Leave a Reply

Your email address will not be published. Required fields are marked *