Naangkon sa 27 ka mga FR ang kantidad P20,000.00 matag usa nga ayuda gikan sa Sustainable Livelihood Assistance Program

Bag-ong paglaum na usab ang naangkon sa 27 ka mga Former Rebels (FR) human nga ilang nadawat, karong adlawa, ang kantidad sa P20,000.00 matag usa nga ayuda gikan sa Sustainable Livelihood Assistance Program. Samtang laing dugang tag P3,000.00 matag usa usab ang ilang nadawat isip financial assistance.

 

Gipangunahan mismo ni Gov. Marc Cagas, Vice Gov. John Tracy Cagas, 39th IB Battalion Commander Col. Geoffrey Carandang, DSWD Assistant Regional Director Ronald Cui, EO 70 Focal Person Ms. Sheryl Tan, ug PSWDO Head Ms. Geraldine Lano, ang pagtunol sa nasangpit nga mga ayuda.

 

Pinaagi sa pagpaningkamot sa buhatan sa Provincial Social Welfare and Development (PSWDO), nakab-ot ang maong mga ayuda gikan sa mga ahensya sa DSWD ug ELCAC (Ending Local Communist Armed Conflict). Kini kabahin sa Tupad Pangako Program, nga usa sa mga pamaagi sa gobyerno nga madasig ang mga anaa sa armadong kalihokan nga mobalik sa sabakan sa balaod.

 

#PIOBalita