3rd Batch nga anaa sa 327 ka mga benepisyaryo sa Government Internship Program (GIP), nadawat na ang ilang sweldo nga tag P5940.00

Nadawat na 3rd batch nga anaa sa 327 ka mga benepisyaryo sa Government Internship Program (GIP) ang ilang sweldo nga tag P5940.00 karong adlawa, Sabado human nipailawom sa kinse (15) ka adlaw nga skills training sama sa Food Processing, Nail Art, Dressmaking, Hairdressing ug Basic Electrical Installation.

 

Mismong si Vice Gov. Marc Cagas ang nitambong sa maong aktibidad ug nalipay nga iyang nakita nga nadawat na sa mga benepisyaryo ang ilang sweldo. ” Ang gusto ni Governor Cagas nga dili simpleng paghatag og kwarta sa gobyerno kundili makabalo mo og abilidad”, tipik sa mensahe sa bise gobernador.

 

Gikanayon ni Provincial PESO Manager Rolly Impas, JD, MBA, Lpt. nga ikatulong hugna kini sa paghatag og sweldo sa mga nakabenepisyo sa GIP nga programa sa Department of Labor and Employment (DOLE) nga giimplementar sa Probinsiya ubos sa inisyatibo ni Gov.Dodo Cagas.

 

Una na nga gikanayon ni Impas nga by batch ang paghatag og sweldo sa mga benepisyaryo sa GIP nga base sa kamanduan sa gobernador aron mapatuman ang minimum public health protocol batok covid-19.

 

#PIOBalita

#maykahanaskungmaycagas

#skillstraining