Turn-over Ceremony of Davao del Sur PIAS Office Building

Gipangulohan ni Gov. Dodo Cagas ang pagturn-over sa bag-ong girepair nga office building alang sa Provincial Internal Affairs Service nga nagkantidad sa P999,410.63 nahimutang sulod sa Capitol Compound, Matti, Digos City.

 

Mapasigarbohon nga gidawat nila Regional Director RIAS 11 PBG Jonas Munta Ejoc ug Acting Provincial Superetindent PMAJ Conrado Abadinas Jr. ang nindot kaayo nga gambalay.

 

Nalipay si Governor Cagas nga nahuman na ang maong building ug nagkanayon nga natukod kini aron ipahinumdum sa mga kapulisan nga adunay buhatan nga magbantay ug moimbestiga kanila kung magbinuang sa pagpanerbisyo.

 

Mapasalamaton si Regional Director PBG Ejoc sa administrasyon ni Governor Cagas sa paghatag bili sa ilang buhatan. Matud pa sa opisyal nga dinhi sa lalawigan walay natala nga pulis nga nagpasagad ug nagbinuang sa katungdanan.

 

Gipaniguro usab ni Acting Provincial Superetindent PMAJ Abadinas Jr. nga pinaagi sa bag-ong nahuman nila nga opisina nga gihatag sa Kagamhanang Probinsiyal sa Davao del Sur mas mapaayo pa ang ilang serbisyo.

 

#PIOBalita