Budget sa Scholarship Program, andam na

Gibutyag sa Local Finance Committee atol sa department heads’ meeting karong adlawa, Agosto 1, 2022, nga andam na ang pondo alang sa pagbayad sa tuition fee sa mga eskolar. Tungod niini, nahatagan na og kasulbaran ang kakulangan sa pondo nga ibayad sa mga tulonghaan alang sa tuition fee sa second semester sa mga kasamtangang capitol scholars.

 

Usa lamang kini sa mga importanteng butang nga gihisgotan sa nasangpit nga panagtigum nga gipangunahan ni Gov. Yvonne Roña Cagas. Lakip usab sa nahisgotan mao ang mosunod:

 

1. Kakulangan sa krudo sa Provincial Engineering Office

2. Pagpaayo sa septic tank sa Gregorio Matas District Hospital (GMDH)

3. Pag turn over sa endoscopy ug Out Patient Department (OPD) rooms sa Davao del Sur Provincial Hospital (DSPH)

4. Pagpaayo sa Sangguniang Panlalawigan, Executive Building, ug Provincial Engineering Office

5. War on Rats, ug uban pa

 

Nitambong usab si SAPG Marc Cagas sa maong meeting aron mopaambit sa iyang mga giya, suhestyon, ug opinyon.

 

#PIOBalita