500 Doses of AstraZeneca Vaccines Arrived at Davao del Sur Provincial Hospital

Malipayong gidawat ni Gov. Douglas Ra. Cagas ang 500 doses (50 vials) sa AstraZeneca Vaccines karong adlawa nga nag gikan sa Department of Health (DOH) Region XI didto sa Davao del Sur Provincial Health Office kauban sila Provincial Health Officer II Dra. Jonna Masongsong, Provincial Health Officer I Elpidio R. Monarca, Davao del Sur Provincial Hospital Chief Dr. Jaime Marcelo T. Razo ug mga empleyado sa hospital.

Ang nasangpit nga bakuna adunay 10 doses matag vial og prayoridad nga makadawat ang mga Frontline Medical Workers sa DSPH, PHO ug mga pribadong hospital sa lalawigan.

 

“When you are a leader you should be willing to sacrifice, that’s the number one requirement”, pamahayag kini ni Governor Cagas nga kahinumdumang dugay nang ni boluntaryo isip una nga mabakunahan apan mandato sa DOH nga prayoridad ang mga Frontline Medical Workers ug musunod ang Senior Citizens.

Gipaabot usab niini ang dakong pasalamat ngadto sa DOH tungod sa kakugi sa ahensya ingon man sa COVID-19 Vaccination Team ug Technical Working Group sa DSPH ug Provincial Health Office (PHO) nga maabtikong nagpadayon sa pagserbisyo human sa malampuson nga pagdawat sa bakuna.

 

Sa pikas bahin gibutyag ni Dra. Masongsong nga 257 ka mga Frontline Workers ang nabakuhan sulod sa duha ka adlaw ug gi bana-banaang karong adlawa anaa na sa 80-90% nga mahuman ang 454 nga kinatibuk-ang ihap sa target nga mabakunahan. Dugang pa nga walay reported nga untoward events sa gipahigayong pagbakuna ug malipayon ang tanan nga nakadawat niini.

 

“Kung responsible ta nga citizen sa Davao del Sur, magpahatag ta tungod kay gusto ta nga maprotektahan atong kaugalingon, atong pamilya ug entire community”, panapos nga mensahe ni Dra. Masongsong.