Provincial COVID-19 Vaccination Campaign for the Public Healthcare Workers

Provincial COVID-19 Vaccination Campaign for the Public Healthcare Workers

Malampuson nga gipahigayon ang launching sa Provincial Covid-19 Vaccination Campaign nga gi ablihan ni Governor Douglas Cagas kauban ni Vice Gov. Marc Douglas Cagas IV kaganihang buntag didto sa Davao del Sur Provincial Hospital, Digos City.
 
Gitambongan kini ni Provincial Administrator Atty. Herbert Gonzales, Provincial Health Officer II Dr. Jonna Masongsong, DSPH Chief of Hospital Dr. Jaime Marcelo T. Razo, Chief of Clinics Dr. Raynato Leynes, Nurses, Medical Workers, mga magtutudlo sa Deped ug kapulisan.
 
“I want to announce this, gusto unta ko (mabakunahan) apan gamay ra man ang bakuna unya ang mandate adto man sa medical frontliners. I hope sa sunod maapil nako”, tipik sa mensahe ni Governor Cagas.
 
Base sa mandato sa Department of Health prayoridad nga mabakunahan ang musunod:
 
(A) Frontline workers, musunod ang senior citizens, mga pasyente nga adunay balatian, pulis/military ug mga kaigsuonang kabus (IP).
(B) Magtutudlo ug social workers, mga empleyado sa gobyerno, essential workers, mga grupo nga adunay taas nga risgo sa Covid-19, OFW
(C) Ug uban pang mga katawhang Pilipinhon.
 
Strikto usab nga gisunod ang DOH Guidelines sa pagpatuman sa maong kalihukan nga mao ang musunod:
 
Step 1 : Registration
Step 2 : Vital Signs and Final Consent
Step 3 : Assessment and Screening
Step 4 : Actual Vaccination
Step 5 : Observation
 
Una nga nagpabakuna si Dr. Jonna Masongsong nga gisundan ni Dr. Jaime Razo, Dr. Raynato Leynes ug lain pang mga frontline medical workers.
 
“Nakakita pod mo nga kami nag-una nga makadawat diin nga kaming duha nga head of agency ni Doc Razo as chief of hospital, importante nga makita ninyo nga safe ni siya (Sinovac) and effective ug kami nalipay nga nakadawat mi og una aning bakunaha”, saysay sa Doktora isip pag agni ngadto sa mga mahadlokon ug nagduha-duha sa pagpabakuna.
 
Gikanayon usab ni Dr. Razo nga andam ang mga kahimanan, personahe ug uban pa sa probinsya kini base sa kamanduan ni Governor Cagas.
 
Gibana-banaang anaa sa kapin kon kulang 100 ka medical frontliners sa PHO ug DSPH ang nabakunahan karong adlawa nga lakip sa 454 ka gilaumang target sa unang batch nga mabakunahan sulod sa lima hangtod pito ka adlaw.
 
Sa maong adlaw usab, gihatod sa PHO Technical Personnel ang ubang bakuna ngadto sa Rural Health Units (RHU) sa lungsod sa Sulop, Malalag, Sta. Cruz, Bansalan ug Matanao lakip na ang City Health Office sa syudad sa Digos. Gipangunahan kini ni Provincial DOH OIC Development Manager Salvacion C. Rodriguez. Kahibaloang gibahin sa duha ka team ang pag apod-apod sa mga bakuna nga gilangkuban nila Esmeralda L. Suralta, RND, RN, MN, Nutritionist Dietitian II Rosula B. Aldanese, Provincial DOH Pharmacist Emmanuel T. Ubungen, RPh ug uban pa.
 
Una nga gi hatagan mao ang Digos City Health Office. Gidawat ni National Immunization Program Coordinator Kristina Leigh G. Davo, RN ang 1,030 vial sa Sinovac Covid Vaccine. Gidawat usab ni Sulop NIP Coordinator Crisnelda E. Celocia, RN ang 42 ka vial sa bakuna ug 69 vial sa Malalag nga gidawat mismo ni Malalag Mayor Peter Paul Valentin kauban si Malalag NIP Coordinator Rebecca de Guzman ug Municipal Councilor Patrocenio Alcoba.
 
“Ang bakuna miagi kini og grabe nga study sa mga eksperto so dili pod ni iabot sa atoa kung aduna man kini epekto nga dili makaayo. Dapat atoa gyud ning dawaton. Bisag ako, una gyud ko magpa vaccine”, pamahayag ni Mayor Valentin.
 
Gilauman nga sunod bulan mao ang ikaduhang pagpabakuna sa unang batch nga nagpabakuna karong adlawa. Sa kanunay nagpahimangno si Dra. Masongsong sa tanang katawhan sa Davao del Sur nga hugtanon gihapon nga ipatuman ang minimum public health standards. 
 
(PIO|Raquel Maris)
#PIOBalita

Leave a Reply

Your email address will not be published. Required fields are marked *

You have successfully subscribed to the newsletter. I love Davao del Sur!

There was an error while trying to send your request. Please try again.

Provincial Government of Davao del Sur will use the information you provide on this form to be in touch with you and to provide updates.

You have successfully subscribed to the newsletter. I love Davao del Sur!

There was an error while trying to send your request. Please try again.

Provincial Government of Davao del Sur will use the information you provide on this form to be in touch with you and to provide updates.